ШҚО-да тыйым салынған өсімдіктерді өсірген тағы бір фитолаборатория анықталып, жолы кесілді, деп хабарлайды F16.kz.
53 жастағы өңір тұрғынына тиесілі тұрғын үй мен іргелес аумақты тінту кезінде үй-жай арнайы жабдықталып, фитолаборатория түрінде жұмыс істегені анықталды. Онда кәсіби жабдықтарды қолдана отырып, есірткі сипатындағы өсімдіктер өсірілген.
Заңсыз айналымнан 28 түп өсімдік, өзіне тән иісі бар өсімдік тектес заты бар 18 полимерлі пакет, арнайы техникалық құралдар, атап айтқанда жарықдиодты шамдар, желдеткіштер және электронды таразылар тәркіленді. Сараптама қорытындысы бойынша тәркіленген есірткі заттарының жалпы салмағы шамамен 1,5 кг құрады, — дейді ШҚО ПД баспасөз қызметі.
Полиция есірткі заттарының заңсыз айналымына байланысты кез келген фактілер туралы дереу 102 телефонына хабарлау қажеттігін еске салады.
