«Әділет» партиясының Республикалық сайлауалды штабы Шығыс Қазақстан облысындағы жұмысын жалғастырып, өңір жұртшылығымен жүздесті. Құрылтай депутаттығына кандидаттар жоғары білім беру, өнеркәсіп, ауыл шаруашылығы, туризм және спорт салаларының өкілдерімен пікір алмасты. Басқосуларда аталған бағыттардағы өзекті мәселелер мен ұсыныстар талқыланды. Бұдан бөлек, Өскемендегі амфитеатр аумағында саяси ұйымның қолдауымен «Open Air» концерті өтті. Сайлауалды науқан аясында ұйымдастырылған кешке 25 мыңнан астам қала тұрғыны мен қонағы жиналды. Сахнада Kalifarniya, Ayree және Sadraddin өнер көрсетіп, бағдарламаны Дәурен Әбенов пен Нұрлан Серікпаев жүргізді. Кеш жүздеген дронның көмегімен жасалған жарық композициялары көрсетілген шоумен аяқталды.
Жалпыұлттық социал-демократиялық партиясының Шығыс Қазақстан облысындағы сайлауалды жұмысы жалғасуда. Партия белсенділері қоғамдық орындарға, сауда орталықтарына сайлауалды үгіт материалдарын орналастырды. Азаматтарға ақпараттық парақшалар таратылды. Баспа өнімдерінде бағдарламаның негізгі бағыттары қамтылған. Саяси ұйымның өкілдері жұртшылықты өз ұстанымдары мен бастамаларынан хабардар етті. Түсіндіру жұмыстары сайлаушылармен тікелей байланыс орнатуға бағытталды. Науқан барысында тұрғындарға сайлауалды тұғырнаманың мазмұны таныстырылды.
«Байтақ» жасылдар партиясының өкілдері Куленовка ықшам ауданындағы Молдағұлова көшесі, 17/1 үйдің тұрғындарымен кездесті. Ашық форматтағы жүздесуде жұртшылық өзекті мәселелерді көтеріп, ұсыныстарын ортаға салды. Оларды шешудің ықтимал жолдары талқыланып, сайлауалды бағдарламаның негізгі бағыттары таныстырылды. Бұдан бөлек, Глубокое ауданының Мәдениет үйінде халықпен тағы бір басқосу өтті. Онда өңірдегі әлеуметтік және қоғамдық мәселелерге назар аударылды. Белсенділер «Есіктен есікке» акциясы аясында азаматтармен жеке сөйлесіп, ақпараттық материалдар таратты. Бұдан бөлек, қоғамдық көлік жолаушыларына флаерлер үлестіріліп, партия тұғырнамасы туралы түсіндіру жұмыстары жүргізілді.
Қазақстан Халық партиясының облыстық штабы сайлауалды науқан аясындағы жұмысын жалғастырды. Штаб мүшелері қоғамдық орындарға, сауда орталықтарына сайлауалды үгіт материалдарын орналастырды. Тұрғындарға партияның бағдарламасы туралы мәліметтер жазылған парақшалар таратылды. Баспа өнімдерінде саяси ұйымның негізгі ұстанымдары мен бастамалары көрсетілген. Белсенділер азаматтарды сайлауалды тұғырнаманың мазмұнымен таныстырды. Ақпараттық жұмыс жұртшылықпен тікелей байланыс орнатуға арналды. Осы арқылы партия өкілдері бағдарламалық бағыттарын сайлаушыларға жеткізді.
«Ауыл» партиясының өкілдері Катонқарағай ауданының тұрғындарымен кездесті. Жүздесу сайлауалды науқан аясында ұйымдастырылды. Партия мүшелері бағдарламаның негізгі бағыттарын таныстырды. Басқосуда ауданның дамуына қатысты мәселелер сөз болды. Азаматтар өз ұсыныстарын ортаға салып, сауалдарын жолдады. Штаб өкілдері көтерілген тақырыптар бойынша түсініктеме берді. Кездесу ашық диалог форматында өтті.
«Ақ жол» партиясының Шығыс Қазақстан облысындағы үгіт жұмыстары жалғасуда. Белсенділер қоғамдық орындарға, сауда орталықтарына сайлауалды үгіт материалдарын орналастырды. Тұрғындарға ақпараттық парақшалар мен өзге де баспа өнімдері таратылды. Бұл жұмыс «Республика» сауда-ойын-сауық орталығын да қамтыды. Келушілерге партия бағдарламасының негізгі бағыттары таныстырылды. Үгіт тобы саяси ұйымның бастамалары туралы мәлімет берді. Ақпарат тарату науқаны жұртшылықпен тікелей байланыс орнатуға бағытталды.
«Respublica» партиясының Республикалық сайлауалды штабының мүшелері «Май» ЖШС ұжымымен кездесті. Кездесуде партияның сайлауалды бағдарламасы таныстырылды. Штаб өкілдері құжаттың негізгі бағыттарына тоқталды. Жиын барысында еңбек ұжымын толғандырған мәселелер сөз болды. Кәсіпорын қызметкерлері өз пікірлері мен ұсыныстарын ортаға салды. Партия мүшелері қойылған сауалдарға жауап беріп, бастамалардың мәнін түсіндірді. Басқосу ашық диалог форматында өтті.
