Бүгін Шығыс Қазақстан облысының аумағында магнитудасы 2-ден 4 балға дейінгі жер асты дүмпулері тіркелді. Зардап шеккендер мен ғимараттардың қирауы болған жоқ, деп хабарлайды F16.kz.
ШҚО әкімі Нұрымбет Сақтағанов өңірдегі бейінді қызметтер бекітілген алгоритм бойынша жедел жұмыс жүргізетінін атап өтті.
Облыс әкімінің орынбасары Бақытжан Байахметовтың басшылығымен жедел штаб құрылды. Дабыл жүйелері, SMS, теле-радио арқылы ақпарат тарату, «Дармен» қосымшасы іске қосылды. Барлық шұғыл қызметтер дайындық режиміне ауыстырылды, — деді облыс әкімі.
Сондай-ақ инженерлік құрылыстар мен өзен арналарын да бақылау жалғасып жатыр.
Ғимараттардың қирауы мен зардап шеккендер туралы ақпарат тіркелген жоқ. 112 және 101 арналарына келіп түскен шағымдар мен барлық қоңыраулар мұқият зерделенеді. Тұрғындарды сабырлық сақтауға және тек ресми ақпаратқа сенуге шақырамын, — деп атап өтті аймақ басшысы.
