Республика күнін мерекелеуге байланысты халыққа қызмет көрсету орталықтары, соның ішінде арнайы ХҚКО-лар жұмыс кестесін өзгертеді, деп хабарлайды F16.kz.
«Азаматтарға арналған үкімет» баспасөз қызметінің мәліметінше, 26 қазан, дүйсенбі күні ХҚКО-лар мен арнайы ХҚКО-лар жұмыс істемейді.
Ал 24 қазан, сенбі күні кезекші ХҚКО-лар мен арнайы ХҚКО-лар қызмет көрсетеді:
- ХҚКО-лар халықты сағат 09:00-ден 13:00-ге дейін қабылдайды.
- арнайы ХҚКО-лар өтініштерді сағат 09:00-ден 12:00-ге дейін қабылдап, құжаттарды сағат 13:00-ге дейін береді.
«Шығыс Қазақстан облысының халыққа қызмет көрсету орталықтарында жұмыс күні бір сағат ерте басталып, ерте аяқталатынын ескертеміз», — деді мемлекеттік корпорация өкілдері.
27 қазаннан бастап ХҚКО-лар мен арнайы ХҚКО-лар әдеттегі жұмыс кестесіне көшеді.
Кезекші бөлімдердің тізімін Мемлекеттік корпорацияның Instagram-дағы ресми парақшасынан көруге және 1414 нөмірі арқылы білуге болады.
