Құрылыс саласындағы қордаланған мәселелерді шешуге бағытталған Merdiger.kz платформасы іске қосылды. Цифрлық жобаны өңірдің тәжірибелі құрылысшылары әзірлеп, жүзеге асырды. Онда қарапайым хабарландырудан бастап құрылыс нарығындағы тапсырыстар мен тендерге дейін қамтылған, деп жазады F16.kz.
Жоба жасаушылардың айтуынша, жұмысты тежеп, құрылысты аяқтауға кедергі келтіретін мәселелер аз емес. Атап айтқанда:
-
Нысан дайын, бірақ жұмысшы тапшы;
-
Жұмысшы бар, тапсырыс жоқ;
-
Барлығы бар, бірақ мерзім сәйкес келмейді.
Осындай түйткілдер салдарынан құрылыс тоқтап, жобалар кешігіп, шығын көбейіп жатады. Жаңадан ашылған платформа осы олқылықтарды жойып, тапсырыс беруші мен орындаушы арасында алтын дәнекер болмақ. Сол сияқты бос жұмыс орындары, кәсіби мамандар қызметін де осы жерден табуға болады. Платформа құрылыс саласының барлық қатысушыларын біріктіреді:
-
Жеке тапсырыс берушілер
-
Шеберлер мен бригадалар
-
Қосалқы мердігерлер
-
Құрылыс компаниялары
-
Девелоперлер
Сайт арқылы:
-
Орындаушыны тез табуға
-
Нақты жобаға команда жасақтауға
-
Тапсырыс жариялауға
-
Қатысушыларды тексеруге
-
Ашық әрі түсінікті жұмыс жүйесін құруға болады
Негізгі мақсат — Қазақстан бойынша құрылыс саласының бірыңғай цифрлық базасын қалыптастыру және жұмыс бөлудегі ретсіздікті азайту.
Шығыс Қазақстан облысында дүниеге келген цифрлық платформаны республикалық деңгейге шығару стратегиясы әзірленіп жатыр. Болашақта онда рейтинг жүйесі, талдау құралдары, орындаушыларды автоматты іріктеу және құрылыс процестерін оңтайландыруға арналған жасанды интеллект модульдері енгізілмек. Ең маңыздысы бұл жоба жай ғана бизнес идея емес, саланың күрмеуін шешуге бағытталған тың бастама болары сөзсіз.
