ШҚО әкімдігі құтқарушыларды заманауи жаңа катермен қамтамасыз етті. Бұл жолы өзен-көлдерді патрульдеуге және судағы құтқару жұмыстарын жүргізу үшін VОYAGER 850 қайықтары алынды, деп хабарлайды F16.kz.
Ел бойынша су ресурстарының 40 пайызы Шығыс Қазақстан облысында орналасқан.
Осындай база Шығыс Қазақстанның табиғи ерекшеліктерін, су тасқыны мен өрт қаупі жоғары маусымдардың күрделілігін ескергенде аса қажет. Жаңа ангар техниканың жыл бойы дайын болуын қамтамасыз етіп, құтқару операцияларының қауіпсіздігін арттырады, – деді аймақ басшысы Нұрымбет Сақтағанов.
Мамандардың айтуынша, техникалық парктың жаңаруы өңірдің қауіпсіздік жүйесіндегі олқылықтардың орнын толықтырып, құтқарушылардың жүгін жеңілдетеді. Сонымен қатар облыс әкімдігі ТЖМ-нің іздестіру-құтқару жұмыстарын жүргізетін екі әуе кемесіне арналған ангардың құрылысын бастады.
