Шығыс Қазақстан құрамасы ауыл жасөспірімдерінің IV республикалық қысқы ойындарында топ жарды, деп хабарлайды F16.kz.
Көкшетау қаласында өткен ауыл жасөспірімдерінің IV республикалық қысқы ойындарында Шығыс Қазақстан облысының құрама командасы қатысып, айқын басымдықпен жеңіске жетті.
Додаға еліміздің 13 өңірінен спортшылар қатысып, шаңғы жарысы, конькимен жүгіру және шайбалы хоккей сияқты спорт түрлерінен бақ сынады. Шығысқазақстандық спортшылар жеке және командалық сайыстарда жүлделі орындарды иеленіп, жалпыкомандалық есепте топ жарды.
Облыс құрама командасының дайындалуына шаңғы жарысы бойынша Валерий Трифонов, конькимен жүгіруде Татьяна Берсенева, шайбалы хоккейде Игорь Гаджиев сынды тәжірибелі бапкерлер жетекшілік етті.
Айта кетейік, жалпыкомандалық есеп қыздар мен ұлдар арасында жеке-жеке жүргізілді. Нәтижесінде қыздар құрамасы бірінші орынды, ал ұлдар құрамасы екінші орынды иеленді.
