ШҚО табиғи ресурстар және табиғат пайдалануды реттеу басқармасына басшы болып Мұрат Құсайынов тағайындалды.
Мұрат Манарбекұлы 1969 жылы Өскемен қаласында дүниеге келген. 1992 жылы Қазақ политехникалық институтын тау-кен инженері мамандығы, 1996 жылы Лениногор орман колледжін техник-орманшы мамандығы бойынша тәмамдаған.
Еңбек жолын Шығыс Қазақстан облысының Аюда орман шаруашылығында бірінші разрядтағы жұмысшы болып бастады.
1993-1999 жылдары Ұлан ауданының Асу-Бұлақ орман шаруашылығында түрлі қызметтерді атқарған. Оның ішінде орманшының көмекшісі, орман шаруашылығының инженері, бас орманшы болды.
1999-2015 жылдары осы орман шаруашылығының директоры болып жұмыс істеді.
2015-2017 жылдары ШҚО табиғи ресурстар және табиғат пайдалануды реттеу басқармасының басшысы,
2017-2018 жылдары Ұлан ауданы әкімінің орынбасары лауазымдарын атқарды.
2018-2025 жылдары қайтадан ШҚО табиғи ресурстар және табиғат пайдалануды реттеу басқармасының басшысы болды.
2025 жылдан осы уақытқа дейін Шығыс Қазақстан облысы әкімі аппараты басшысының орынбасары болып қызмет етті.
