Шығыс Қазақстан облысының ветеринарлары 113 қызметтік көлікке ие болды. Өскемендегі Республика алаңында жаңа көліктердің кілтін аймақ басшысы Нұрымбет Сақтағанов табыс етті, деп хабарлайды F16.kz.
Облыс әкімі ветеринария саласы елдің азық-түлік қауіпсіздігімен тікелей байланысты екенін атап өтті. Оның айтуынша, бұл салада шұғыл әрекет ету, икемділік пен кез келген жағдайда жылдам шешім қабылдау қабілеті аса маңызды.
Бүгінгі таңда ветеринариялық қызмет 100% автокөлікпен қамтамасыз етілді. Лизингтік негізде 2,3 млрд теңгеге 113 арнайы техника сатып алынды. Бұл – облыстағы эпизоотиялық ахуалды тұрақтандыруға бағытталған кешенді шаралардың бір парасы Қыркүйек айының соңына дейін тағы 20 көлік жеткізіліп, мамандарға беріледі, – деді Нұрымбет Сақтағанов.
Аймақ басшысы жаңа техникаларды қарап шығып, олардың жабдықталуына, сапасына мән берді. Ветеринарлармен сөйлесіп, салаға жас мамандарды тарту, қолдау көрсету және заманауи құралдармен қамту мәселелерін тілге тиек етті. Айта кетерлігі, автокөліктердің бір бөлігі анатомиялық және хирургиялық ветеринарлық жиынтықтармен жабдықталған.
Жаңадан алынған техникалар облыстың аудан-қалаларына, оның ішінде шалғайдағы ауылдарға бөлінеді. Тоңазытқышпен және басқа да қажетті құрал-жабдықтармен жабдықталған көліктер ветеринарлардың жедел шақыруларға кешікпей жетіп, профилактикалық және емдеу шараларын сапалы жүргізуіне мүмкіндік береді. Көліктер «Өнеркәсіпті дамыту қоры» АҚ қаржылай қолдауымен алынды.
Көліктер келесі аудандарға бөлінді:
- Глубокое ауданы – 15 көлік: 1 JAC T6, 1 «Соболь», 12 «Кобальт»
- Алтай ауданы – 10 көлік: 1 JAC T6, 1 «Соболь», 3 «Кобальт»
- Ұлан ауданы – 15 көлік: 1 JAC T6, 6 «Соболь», 9 «Кобальт»
- Үлкен Нарын, Катонқарағай аудандары – 13 көлік: 2 JAC T6, 14 «Соболь»
- Самар ауданы – 9 көлік: 1 JAC T6, 5 «Соболь», 3 «Кобальт»
- Күршім, Марқакөл аудандары – 12 көлік: 2 JAC T6, 11 «Соболь», 1 «Кобальт»
- Тарбағатай ауданы – 8 көлік: 8 «Соболь»
- Риддер қаласы – 2 көлік: 1 JAC T6, 1 «Соболь»
- Өскемен қаласы – 3 көлік: 1 JAC T6, 1 рефрижератор, 1 «Кобальт»
- Шемонайха ауданы – 10 көлік: 1 JAC T6, 2 «Соболь», 8 «Кобальт»
- Зайсан ауданы – 9 көлік: 1 JAC T6, 4 «Соболь», 5 «Кобальт».
Облыс әкімі Нұрымбет Сақтағанов бізбен бір жарым жыл бұрын кездесіп, ветеринарияны дамытудың маңыздылығын айтқан. Бүгінде бұл жұмыс сәтті жүргізіліп келеді. Біздің басты мақсатымыз – жануарларға қамқорлық жасау және халықты қауіпсіз, сапалы өнімдермен қамтамасыз ету. Бүгінгі беріліп жатқан жаңа көліктер ветеринария мамандарының жұмысын жеңілдетіп, қызмет сапасын арттыруға көп септігін тигізеді, . – деді «Зайсан-Вет» КМК директоры Қамбар Чилимбаев
Мамандардың айтуынша, бұл техникалар екпе салу, шұғыл шақыруларға дер кезінде бару, диагностикалау және қажетті ветеринарлық шараларды уақтылы атқару жұмыстарын сапалы жүргізуге мүмкіндік береді. Ең бастысы көліктер Шығыс Қазақстанның климаттық және географиялық жағдайына бейімделген.
