Шығыс Қазақстан облыстық әкімдігінде кеңейтілген аппараттық кеңес өтті. Онда облыстық басқармалар мен аудан әкімдіктерінің аралық жұмысы қорытындыланды, деп хабарлайды F16.kz.
Аймақ басшысы Нұрымбет Сақтағанов Президент тапсырмалары мен тұрғындар өтініштері негізінде айқындалған міндеттердің қалай орындалып жатқанын тыңдады. Әр басқарма өз саласы бойынша есеп берді.
Дегенмен бірқатар ведомствоға халықтан келіп түсетін өтініштермен жұмыс қарқынын арттыру міндеті қойылды.
ШҚО әкімі өзінің бірінші орынбасары Жақсылық Омарға өнеркәсіп бағытында жүйелі жұмыс жүргізіп, саланың ортақ даму индикаторларын қалыптастыруды күшейту қажеттігін айтты. Жиында туризмді дамыту жайы да сөз етілді.
Туристік жоспар ұзақ баяндама күйінде жасалған. Бізге нақты нәтиже беретін, қысқа әрі түсінікті басқарушылық құжат қажет, – деп атап өтті аймақ басшысы.
Кеңес соңында облыс әкімі барлық басқарма басшыларына жыл соңына дейін жұмысты күшейтіп, әр тапсырманың уақтылы орындалуын қамтамасыз етуді тапсырды.
