Биылғы 29-30 қаңтар аралығында Шығыстың бас шаһарында жастар арасында хоккейден спорт фестивалі өтеді, деп хабарлайды F16.kz.
Іс-шара Б.Александров атындағы спорт сарайының мұз айдынында болады. Алғашқы күні фестиваль сағат 09.00-де басталса, келесі күні сағат 11.30-ға жоспарланған.
Спорт мерекесіне 13-18 жас аралығындағы оқушылары қатысады. Басты мақсат – жастарды салауатты өмір салтына баулу, спортқа қызығушылықтарын арттыру және жас ұрпақ арасында құқықтық мәдениетті қалыптастыру.
Жарыстың жеңімпаздары мен қатысушылар ақшалай сыйлықтар, грамоталар, медальдар және естелік сыйлықтармен марапатталатын болады.
Қатысуға ниетті адамдар мына телефон нөміріне хабарлассын: 8 777 764 7997.
