«РУХТАСТАР» республикалық жастар сыйлығында Шығыс өңірінен шыққан талантты да белсенді жастар жоғары нәтижеге қол жеткізіп, бірқатар беделді номинация бойынша жеңімпаз атанды, деп хабарлайды F16.kz.
Атап айтқанда:
- «Жылдың үздік жобасы» номинациясының иегері — Екатерина Орлова. Бұл марапат қоғам игілігіне бағытталған, мазмұны терең әрі нақты нәтижеге қол жеткізген жобасы үшін берілді.
- «Қайсар» – жыл батыры номинациясының жеңімпазы — Ерасыл Омарханов. Ол азаматтық ұстанымы, батыл бастамалары мен табандылығы арқылы көпшілікке үлгі бола білді.
- «Белсенді рухтас» – жыл белсендісі номинациясын Әлихан Даутқали иеленді. Ол жастармен жүйелі жұмыс жүргізіп, әлеуметтік және қоғамдық бастамалардың жүзеге асуына белсенді атсалысты.
Бұл жетістіктер — шығыс жастарының ел дамуына қосып жүрген елеулі үлесінің, олардың жігері мен жауапкершілігінің жарқын дәлелі.
