Бүгін ШҚО энергетика және ТҮКШ басқармасында «Шығыс жұмыскер» бағдарламасына қабылданған өтінімдер негізінде комиссия отырысы өтті. Нәтижесінде аталған бағдарлама бойынша баспаналы болатын үміткерлер тізімі бекітілді, деп хабарлайды F16.kz.
Естеріңізге сала кетейік, «Шығыс жұмыскер» жеңілдетілген ипотекалық бағдарламасы — коммуналдық қызметтерді, атап айтқанда жылумен және сумен жабдықтау, су бұру және қоқыс шығарумен айналысатын мемлекеттік коммуналдық кәсіпорындардың қызметкерлерін қолдауға және ынталаундыруға бағытталған.
26 маусым мен 11 шілде аралығында 39 мамандық бойынша 20 мемлекеттік коммуналдық кәсіпорын қызметкерінен өтініштер қабылданды. Бүгін комиссия отырысында барлық құжаттар қаралып, бекітілген талаптар мен бағалау критерийлеріне сәйкес балл қойылып, қорытындылары шығарылды, — деді Облыстық энергетика және ТҮКШ басқарамасының бас мамары Гүлназ Бауыржанова.
Айта кетейік, қатысушылардың өтініштерін объективті және жан жақты қарау үшін арнайы коммиссия құрылған. Оның құрамында «Amanat» партиясы ШҚО филиалының өкілі, облыстық мәслихат депутаты, ШҚО бойынша Мемлекеттік еңбек инспекциясы Комитетінің департаменті, облыстық кәсіпкерлік қызметкерлері кәсіподағы және «Отбасы Банк» АҚ облыстық филиалының өкілдері бар.
Комиссия отырысының нәтижесі бойынша, жұмыс өтілі, балалары, отбасында 1,2 немесе 3 топтағы мүгедектігі бар адамның болуына, сондай-ақ жетім және ата-анасының қамқорлығынсыз қалған балалар санаты бойынша тұрғын үй кезегінде тұру фактісі сияқты бағалау критерийлеріне сәйкес ең жоғары балл жинаған 10 қызметкер анықталды, — дейді Гүлназ Бауыржанова.
Естеріңізге сала кетейік, өткен жылы аталмыш бағдарлама аясында энергетика саласының 17 қызметкері баспана алған.
Бағдарлама бойынша ең жоғары несие сомасы – 20 миллион теңге. Бастапқы жарна – 10%, пайыздық мөлшерлерме – 5%.
