Шығысқазақстандық құтқарушы грэпплингтен өткен Әлем чемпионатының қола жүлдегері атанды, деп хабарлайды F16.kz.
Облыстық Төтенше жағдайлар департаментінің баспасөз қызметі жазғандай, жерлесіміз әлемнің мыңнан астам файтері қатысқан дүбірлі додада тамаша өнер көрсетіп, үздіктер қатарынан көріне білді. Алматы қаласындағы Балуан Шолақ атындағы спорт және мәдениет сарайында өткен AIGA чемпионатына қатысушылар арасында әсіресе Польша, Бразилия, АҚШ пен Жапониядан келген спортшылар көп болды.
Байрақты бәсекеде Өскемен қаласы ТЖБ Мамандандырылған жасағының аға нұсқаушы-құтқарушысы Аслан Советов 65 келіге дейінгі салмақ дәрежесінде сынға түсіп, жүлделі үшінші орынды жеңіп алды.
