Бүгін, 2 қыркүйекте еліміздің солтүстік және шығыс өңірлерде найзағай ойнап, жаңбыр жауады. Түнге қарай жауынның соңы қарға ұласуы мүмкін. Кейбір аймақтарда бұршақ жауады, деп хабарлайды F16.kz.
Республиканың қалған облыстарында жауын-шашын болмағанмен жел күшейеді. Әсіресе, оңтүстік-батыста, оңтүстікте – шаңды дауыл соқса, солтүстікте түнде және таңға қарай тұман түседі.
Ел аумағында ауа райы құбылмалы болады. Түнде Қостанай, Павлодар облыстарының солтүстігінде, Солтүстік Қазақстан, Шығыс Қазақстан облыстарының шығысында, Қарағанды облысының солтүстігі мен шығысында, Ақмола облысының батысы мен солтүстігінде ауа температурасы +2°C дейін төмендеп, үсік жүреді.
Батыс Қазақстан, Ақтөбе облыстарында (+35°C), Атырау облысында (+35+37°C), Маңғыстау облысының оңтүстігінде (+38°C), Ақтөбе облысының батысында (+35°C) қатты ыстық болады.
Сондай-ақ бірқатар облыс тұрғындарына өрт қаупі жөнінде ескерту жасалды.
