Синоптиктердің болжамынша, алдағы 16-18 сәуір аралығында Қазақстанның кейбір өңірлерінде ауа температурасы -18°С дейін төмендейді, деп хабарлайды F16.kz.
«Қазгидромет» РМК баспасөз қызметі таратқан ақпаратқа сүйенсек, бұл күндері ауа райына екі барикалық түзілім әсер етеді: батыстан шығысқа қарай жылжитын циклон тұрақсыз ауа райын қалыптастырып, жауын-шашын (жаңбыр, қар) әкеледі.
Республиканың солтүстік, шығыс және орталық өңірлері солтүстік антициклонның ықпалына өтіп, соған байланысты ауа температурасының төмендеуі болжанып отыр. Ел аумағында тұман түсіп, жел күшейеді, ал солтүстік, шығыс және орталық аймақтарда көктайғақ болуы мүмкін, – деп хабарлады синоптиктер
Кей күндері солтүстікте түнгі уақытта ауа температурасы -1…-8°С дейін, күндіз +1…+8°С дейін төмендейді. Шығыста түнде -2…-18°С дейін, күндіз 0…+13°С шамасында болады. Елдің қалған аумағында температуралық фон айтарлықтай өзгермейді.
