Жастардың құқықтық мәдениет деңгейін арттыру мақсатында ІІМ ҚАЖК ОВ 156/3 мекемесінде Көлік және тіршілік қауіпсіздігі колледжінің студенттеріне экскурсия ұйымдастырылды. Шара «Заң және тәртіп» идеологемасы аясында өткізілді.
Экскурсия барысында студенттер мекеменің негізгі қызметімен танысып, заңдылық пен құқықтық тәртіпті қамтамасыз ету жолындағы ішкі істер органдарының міндеттері туралы мағлұмат алды.
Сонымен қатар оларға қызмет өткеру шарттары мен қойылатын талаптар түсіндіріліп, қызметтік тәртіп пен жауапкершілік мәселелеріне ерекше назар аударылды. Мекеме өкілдері жастардың қойған сұрақтарына жан-жақты жауап берді.
Осындай іс-шаралар құқық бұзушылықтың алдын алуға, жастардың құқықтық санасын нығайтуға, «Заң және тәртіп» қағидаттарын сақтауға бағытталған тұрақты көзқарасты қалыптастыруға, студенттердің кәсіби бағдарлануына оң ықпал етеді.
