Өскемен қаласында студенттер үшін ерекше форматтағы профилактикалық іс-шара ұйымдастырылды, деп хабарлайды F16.kz.
№73 мекеме қабырғасында өткен кездесуде жастар есірткінің заңсыз айналымына араласудың соңы неге әкеп соғатынын көрді.
Іс-шара Шығыс Қазақстан облысы полиция департаментінің есірткі қылмысына қарсы іс-қимыл басқармасы мен «Жастар рухы» жастар қанатының белсенділері бірлесіп өткізген. Кездесудің негізгі мақсаты жастарды жалған уәде мен оңай олжа туралы жарнаманың ар жағында қандай ауыр шындық тұрғанын түсіндіру, есірткі бизнесіне араласудың адам өміріне тигізер зардаптарын нақты мысалдар арқылы көрсету болды.
Есірткі адам денсаулығын ғана емес, бүкіл тағдырын күйретеді. Мұндай жолды таңдағандардың әлеуметтік байланысы үзіліп, отбасынан ажырап, кәсіби болашағынан айырылады, — делінген Polisia.kz ақпаратында.
Полиция қызметкерлері Қылмыстық кодексте көрсетілген есірткіні өткізу мен тарату үшін берілетін қатаң жауапкершілікке тоқталып, есірткі жасырушы ретінде ұсынылатын жұмыстың ауыр қылмыс санатына жататынын түсіндірді. Мұндай әрекеттер үшін ұзақ мерзімге бас бостандығынан айыру жазасы қарастырылған
Сондай-ақ студенттер есірткі заттарын сатқаны үшін жазасын өтеп жатқан өткен ашық әңгіме құрды.
Шығыс Қазақстан облысының полиция департаменті жастар арасында профилактикалық жұмыстарды жүйелі түрде жалғастыратын болады.
