Жыл соңына дейін Қазақстанда «Ауылдық денсаулық сақтауды жаңғырту» ұлттық жобасы шеңберінде 150-ге жуық жаңа медицина нысаны салынады, тағы 508-нің құрылысы аяқталып қойды, деп хабарлайды F16.kz.
Денсаулық сақтау министрлігінің дерегі бойынша, ауылдық елді мекендерді медициналық-санитариялық алғашқы көмек ұйымдарымен қамтамасыз ету үшін 655 нысан, оның ішінде 260 медициналық пункт, 235 фельдшерлік-акушерлік пункт және 160 дәрігерлік амбулатория салу жоспарлануда.
Құрылыс арнаулы мемлекеттік қор қаражаты есебінен, жергілікті бюджет қаражатынан және «Ауыл – ел бесігі» бағдарламасы шеңберінде қаржыландырылады.
508 аяқталған нысан (өңірлер бойынша):
● Абай облысы – 62;
● Қарағанды облысы – 41;
● Батыс Қазақстан облысы – 49;
● Түркістан облысы – 49;
● Шығыс Қазақстан облысы – 35;
● Ақмола облысы – 32;
● Жамбыл облысы – 29;
● Павлодар облысы – 28;
● Қызылорда облысы – 27;
● Қостанай облысы – 25;
● Солтүстік Қазақстан облысы – 46;
● Алматы облысы – 17;
● Жетісу облысы – 17;
● Атырау облысы – 15;
● Ақтөбе облысы – 20;
● Ұлытау облысы – 13;
● Маңғыстау облысы – 3.
