ҚР Ұлттық тестілеу орталығы наурыз айындағы Ұлттық бірыңғай тестілеуге қатысты маңызды ақпарат таратты, деп хабарлайды F16.kz.
Орталықтың мәліметінше, наурыздағы ҰБТ-ға өтініш қабылдау 25 ақпан сағат 23.59-да аяқталады. Ал одан кейін тестілеу пунктін, күнін және уақытын өзгерту мүмкін болмайды.
Сондай-ақ бейіндік пәндер мен тестілеу тілін таңдауға өзгерістер енгізу тест тапсыру күні басталуына 24 сағат қалғанға дейін мүмкін екені айтылды. Бұл ретте өтініш беру кезінде мұқият болу қажет.
Айта кетейік, биылғы қаңтарда болған ҰБТ-ға 184 мыңға жуық адам қатысты. Олардың 75%-ы тестілеуді қазақ тілінде, 25%-ы орыс тілінде және 113 адам ағылшынша тапсырды. Талапкерлердің 68%-ы шекті балл жинады. Бес пән бойынша орташа балл 64 балл болды. Ең жоғары нәтиже – 138 балл.
