Еліміздегі ішімдіксіз ауылдар қатарына Тарбағатай ауданына қарасты Жаңаауыл ауылы да қосылды, деп хабарлайды F16.kz.
Жаңаауыл ауылында «Заң үстемдігі – қоғам тұрақтылығының кепілі» тақырыбында өткен кездесу барысында тұрғындар алкоголь өнімдерін тұтынуды тоқтату жөніндегі ұсынысты бірауыздан қолдаған.
Кездесу барысында қоғамдық тәртіпті нығайту, алкогольдік ішімдіктерге байланысты құқықбұзушылықтардың алдын алу және алаяқтық қылмыстардың профилактикасы мәселелері жан-жақты талқыланды. Тұрғындар да арақтан бас тарту – тыйым емес, отбасындағы тыныштықты, қоғамдағы қауіпсіздікті және өскелең ұрпақтың жарқын болашағын қамтамасыз етуге бағытталған саналы таңдау екенін атап өтті, — дейді ШҚО ПД баспасөз қызметі.
Аталған бастаманы ақсақалдар кеңесі, Аналар кеңесі, діни бірлестік өкілдері, білім беру саласының қызметкерлері мен құқық қорғау органдары қолдады.
Қазіргі таңда Жаңаауыл ауылында 661 тұрғын бар. Қ.Ақынов атындағы орта мектепте 83 оқушы білім алып жатыр. Бүгінде Жаңаауыл Шығыс Қазақстан облысы бойынша исі бастаманы ресми түрде қолдаған жиырма бірінші мекен болып отыр.
