Тәуелсіздік күні қарсаңында еліміздің жас ұстаздары арасында ««Мен Тәуелсіздік құрдасымын!» республикалық челленджі басталды. Челлендж 10-16 желтоқсан аралығында жалғасады. Бұл туралы Оқу-ағарту министрлігі мәлім етті, деп хабарлайды F16.kz.
Әлеуметтік желілерде өтетін бұл рәсімнің басты идеясы – қоғамда педагог мәртебесін, оның еңбегінің маңызын және ұлт болашағын қалыптастырудағы рөлін кеңінен насихаттау.
Челленджге қатысушы мұғалімдер әлеуметтік желілерде «Мен Тәуелсіздік құрдасымын» тақырыбында бейнеролик немесе пост жариялап, тәуелсіздікпен бірге өскен ұрпақ ретінде білім саласының дамуы мен оған қосқан өз үлесі, педагог миссиясы туралы ой-пікірімен бөлісуі керек.
Челленджге тәуелсіздікпен құрдас ниет білдіруші ұстаздар тегіс қатыса алады, ол үшін: әлеуметтік желілерде #МенҰстазбын#ТәуелсіздікҚұрдасымын #ЯУчитель #ЯРовесникНезависимости хэштегтерімен фото, бейне пост жариялап, Тәуелсіздік туралы өз ойымен, ұстаздық қызметтегі миссиямен бөлісу керек.
