Биыл Глубокое ауданында бірқатар туристік нысандар ашу жоспарланып отыр, деп хабарлайды F16.kz.
Туризм дамыту ел экономикасын жақсартуға елеулі әсер етеді. Осы орайда шығысқазақстандықтар соңғы жылдары өңірлік туризмді дамытуға ден қойып отыр.
Туристік кластерді дамыту жұмыстары белсенді жүріп жатқан аудандардың бірі – Глубокое ауданы. Бүгінде онда 19 туристік нысан жұмыс істеп тұр. Тек облыс емес, өз өңірлерге де белгілі «Нұртау» және «Алтай Альпісі» тау-шаңғы базалары мен «Зимовье» демалыс үйі де осына орналасқан.
Жаңа кәсіп ашып немесе дамытуға мемлекет тарапынан жақсы көңіл бөлініп жатыр. Мәселен «Ауыл аманаты» бағдарламасы аясында «Дары Природы» әлеуметтік-кәсіпкерлік корпорациясы Таулы Үлбі ауылында ат базасын абаттандырып, жабдықтау мақсатында несие алды, — дейді Глубокое ауданының әкімі Эльдар Тумашинов.
Сондай-ақ аудан басшысы биыл бірқатар туристік нысандар бой көтеретінін атап өтті.
Қазіргі уақытта «The Forest» мейрамханасының аумағында SPA-орталық пен 48 орындық қонақ үй салынып жатыр, жабық бассейн мен фудкорт ашу да жоспарда бар. Сондай-ақ Быструха ауылында орналасқан жалпы инвестиция көлемі 1,5 млрд теңгеден асатын «Заречье» эко-қонақ үйін кеңейту жобасы да жалғасады, — деді ол.
