Астанада Қазақстандағы Ресейдің мәдениет күндері өтеді, деп хабарлайды F16.kz.
Бағдарлама аясында өткізілетін шығармашылық және іскерлік іс-шаралар екі ел арасындағы мәдени-гуманитарлық ынтымақтастықты одан әрі нығайтуға бағытталған.
Негізгі іс-шара – Ресейдің мәдениет күндерінің салтанатты ашылу рәсімі 23 сәуірде «Астана опера» театры сахнасында өтеді. Бұл күні елордада Қазақстандағы Ресей киносы фестивалі шымылдық түріп, фильм көрсетілімдері 26 сәуірге дейін жалғасады.
Сондай-ақ бағдарлама аясында 23 сәуірде ҚР Ұлттық музейінде екі елдің ғылыми-шығармашылық зиялы қауым өкілдерінің қатысуымен дөңгелек үстел ұйымдастырылады.
Айта кетейік, былтыр 10-13 қазан аралығында Мәскеуде Қазақстанның Ресей Федерациясындағы мәдениет күндері өткен еді.
