«Торпедо» екінші жыл қатарынан Қазақстан кубогының иегері атанды, деп хабарлайды F16.kz.
Финалда «Сарыарқаны» 8:2 есебімен жеңген өскемендік команда екінші жыл қатарынан турнирдің басты жүлдесін қанжығасына байлады.
Айта кетейік, қос команда үшін финалға дейінгі жол оңайға соққан жоқ. Десе де, өз топтарында үздік атанып, жеңіске бір қадам жақындай түсті.
Жартылай финалда өскемендік «Торпедо» Рудныйдың «Горнягын» 5:2 есебімен жеңсе, қарағандылық «Сарыарқа» «Ақтөбеден» 3:2 есебімен басым түсті.
“Торпедоның” бұл жеңісі қала күнін атап өтіп жатқан Өскеменге тамаша тарту болды.
Қазақстанның хоккей астанасы осылайша ел кубогын сегізінші рет иеленіп отыр.
