Облыстық білім басқармасы мектептерде тұмау немесе ЖРВИ өршуі кезеңінде білім беру ұйымдарына уақытша шектеу шаралары енгізілетінін мәлімдеді, деп хабарлайды F16.kz.
ҚР Бас мемлекеттік санитариялық дәрігерінің 2025 жылғы 22 тамыздағы №6 қаулысына сәйкес, 2025–2026 жылдардың эпидемиялық маусымында білім беру ұйымдарында ЖРВИ, тұмау және COVID-19 таралуын шектеуге бағытталған санитариялық-профилактикалық шаралар күшейтіледі.
Құжатқа сай, бір сыныптағы оқушылардың 20–30%-ы бір инкубациялық кезең ішінде ЖРВИ белгілерімен ауырған жағдайда кабинет ішінде оқыту тоқтатылып, сынып 10 күн карантиндік бақылауға жабылады және бұл кезеңде жаңа оқушылар қабылданбайды. Ал сырқаттанушылық 30% және одан жоғары деңгейге жетсе, сынып уақытша онлайн оқыту форматына ауыстырылады.
Айта кетейік, бүгінде өңірде балалар мен жасөспірімдер арасында тұмау жағдайларының күрт өсуі байқалады. ШҚО санитариялық-эпидемиологиялық бақылау департаменті, «Гонконг тұмауының» 5 жағдайы тіркелгенін хабарлаған.
