Зайсан ауданында тұрғындарды интернетпен қамту деңгейін жақсарту жұмыстары жүргізілуде, деп хабарлайды F16.kz сайты.
Қазір антенно-мачталық құрылғылар (АМС) қажетті жерлердің барлығында бар, бірақ әкімдік қызметтерді жаңа операторлар есебінен кеңейтуді жоспарлап отыр.
– Қазір бізде АМС қажет болған барлық жерлерде бар. Өткен жылы ең шалғай ауылдық округ – Шілікті қосылды. Биыл екі мұнара орнатылса, қазір оларды іске қосу күтілуде. Басқа операторлармен желіні кеңейту бойынша келіссөздер жүргізілуде, – дейді Зайсан ауданы әкімдігі басшысының орынбасары Ермек Қорабаев.
Сондай-ақ оның айтуынша, өткен жылы Жалшы және Жаңатұрмыс ауылдарында АМС орнатылған. Қазір олар базалық станциялармен қосылу процесінде. Әкімдік өкілдері мұның шалғай ауылдардағы байланыс сапасын жақсартып, туризмнің дамуына ықпал ететінін атап өтті.
Бұдан бөлек, цифрландыру аясында ауданның білім беру мекемелері Starlink спутниктік интернет желісіне қосылған. «Зайсан» көпсалалы кәсіпорнында су пайдаланушылар туралы деректерді өңдейтін заманауи цифрлық бағдарлама енгізілді. Ал «Arnna Minerals» ЖШС өндірісті кеңейту мақсатында су және сусын өндіруге арналған заманауи роботтандырылған жабдық орнатты.
