Бүгін Президент еліміздің экономикалық және әлеуметтік саясатының ең маңызды мақсаттары мен міндеттерін айқындайтын жыл сайынғы халыққа Жолдауын жариялады.
Жолдауда Мемлекет басшысы: «Заң мен тәртіп» – мемлекетіміздің мызғымас тұғыры. Қоғамда осы қағиданы түбегейлі орнықтыру үшін барлық құзырлы органдар арасында ортақ көзқарас пен ортақ ұстаным болуға тиіс. Бұл – ең алдымен, ешқандай құқық бұзушылыққа жол бермеу қағидасы, яғни кез келген заңсыздыққа қарсы тұру деген ұстаным», – деп атап өтті.
Шынымен де бүгінгі таңда есірткі қылмысы, ескірткі бизнесінің етек алуы қоғамды алаңдатқан өзекті мәселеге айналды. Президентіміз әр Жолдауында ұрпақты улап жатқан осы бір өзекті мәселеге тоқталып, құзырлы органдарға тапсырма береді.
Біздің облыста Президент тапсырмасына сәйкес есірткінің заңсыз айналымымен күреске бағытталған «Қарасора – 2025» жедел-алдын алу іс-шарасы өтіп жатыр. Ондағы басты мақсат – есірткінің заңсыз тасымалына тосқауыл қою, құрамында есірткі бар өсімдіктерді жою, есірткі таратумен айналысатын ұйымдасқан қылмыстық топтардың жолын кесу. Бұл жұмыстар алдағы уақытта та жалғаса беретін болады.
Қорлан Туғамбаева,
AMANAT партиясы жанындағы
Шығыс Қазақстан облыстық
«Жастар рухы» жастар қанатының төрағасы
