Алтай ауданының тұрғыны өрт сөндіру бөліміне жалған ақпарат бергені үшін қырық сағат мерзімге қоғамдық жұмысқа тартылды, деп хабарлайды F16.kz.
Тұрғын Алтай қаласының МӨС-2 өрт сөндіру бөліміне телефон шалып, Алтай ауданының Баяновск ауылында үй өртеніп жатқаны туралы көрінеу жалған хабар берген.
ҚР ӘҚБтК-нің 438-бабының 1-бөлігі бойынша әкімшілік жауапкершілікке тартылған тұлға бола отырып, бір жыл ішінде қайталап 2025 жылғы 2 желтоқсанда сағат 20:17-де үй өртеніп жатқаны туралы көрінеу жалған хабар берді. Өрт сөндіру қызметкерлері барған кезде көрсетілген мекен-жай бойынша өрт туралы ақпарат расталмады, жану іздері табылмады, — делінген сот мәліметінде.
Сот отырысында кінәсі толық дәлелденіп, әкімшілік жаза тағайындалды.
