«AMANAT» партиясының Шығыс Қазақстан облыстық филиалы жанындағы жастарды қолдау жөніндегі Кеңестің отырысы өтті. Жиын барысында жастар арасындағы өзекті мәселелер қаралып, оларды шешудің жолдары талқыланды, деп хабарлайды F16.kz.
Кеңес мүшелері жастар арасында зиянды әдеттердің таралуына жол бермеу үшін алдын алу жұмыстарын күшейту қажеттігін айтты. Әсіресе білім беру ұйымдарында түсіндіру жұмыстарын жүргізу, спорттық және мәдени шаралар арқылы жастарды бос уақытын тиімді өткізудің маңызына тоқталды.
Қазір шешімін таппаған өзекті мәселелердің бірі – жастар арасындағы жұмыссыздық. Жиын барысында оның негізгі себептері айтылды. Кеңес мүшелері NEET санатындағы жастарды азайту үшін кәсіби бағдар беру, қысқа мерзімді курстар мен қайта даярлау бағдарламаларын ұйымдастырудың маңызын көтерді.
Кеңес отырысының қорытындысында жастарға қатысты барлық бағыттарда кешенді жұмыс жалғасатыны, ұсыныстар мен пікірлер назарға алынатыны айтылды.
