Бүгін Шемонаихада «Таза жағалау» экологиялық акциясы өтті. Жастар Уба өзенінің жағалауын қоқыстар тазартты, деп хабарлайды F16.kz.
Шараға қоғам белсенділері, жастар ұйымдары мен еріктілер қатысып, жағалауды қоқыстан тазартуға бірлесе атсалысты.
«Таза жағалау – өзіңнен басталады» ұранымен өткен акция барысында қатысушылар әр азаматтың табиғатқа деген жауапкершілігін арттырудың маңызын атап өтті.
Мұндай шаралар арқылы табиғаттың тазалығына атсалысып, бірлігіміз бен жауапкершілігімізді көрсетеміз. Туған жерді таза ұстау – біздің парызымыз, — деді акцияға қатысқан жастар көшбасшысы Маргарита Савинова .
Ұйымдастырушылардың айтуынша, мұндай шаралар қоршаған ортаны таза ұстауға ғана емес, азаматтық белсенділікті арттыруға да ықпал етеді.
