Шығыс Қазақстан облысында қысқы мал азығын дайындау науқаны әлі жалғасып жатыр. Өңір басшысы Нұрымбет Сақтағанов алдағы бір жарым айда бұл жұмыстарды толық аяқтауды тапсырды, деп хабарлайды F16.kz.
Тарбағатай, Күршім және Марқакөл аудандары жем-шөп әзірлеу жұмысын 20 қыркүйекке дейін тиянақтау қажет болса, Глубокое, Шемонаиха, Ұлан және Алтай аудандарының әкімдіктеріне 1 қарашаға дейін уақыт берілді.
Жем-шөп қоры мал шаруашылығының тұрақтылығына тікелей әсер етеді. Біздің міндет – шөп, сабан және құнарлы жемдерді белгіленген мерзімде толық дайындап алу. Бұл – ауыл шаруашылығы өнімін өндірушілердің әл-ауқатының негізі және қыстан шығынсыз шығудың кепілі, – деп атап өтті облыс әкімі.
