2026 жылдың басынан бастап көпбалалы отбасылар мен наградталған аналарға шамамен 114 млрд теңге жәрлемақы төленді. Мемлекет тарапынан берілген қолдау қаражатқа орта есеппен 876,8 мың отбасы қол жеткізді.
Оның ішінде 629 мың көпбалалы отбасына жалпы сомасы 99,4 млрд теңге жәремақы берілді. Ал наградталған аналарға берілетін жәрдемақымен 247,8 мың адам қамтылып, оларға 14,6 млрд теңге төленген.
Биылғы ақпан айында аталған жәрдемақы түрімен 878,4 мың отбасы қамтылды. Оған жалпы сомасы 57,5 млрд теңге бөлінді. Соның ішінде 630,6 мың көпбалалы отбасына 50,2 млрд теңге, наградталған 247,8 мың анаға 7,3 млрд теңге көлемінде қаржы берілген.
Көпбалалы отбасына берілетін мемлекеттік жәрдемақы төрт және одан да көп бірге тұратын кәмелетке толмаған баласы немесе жасы 23-ке толмаған күндізгі бөлімде оқитын студент баласы бар отбасыларына табысына қарамастан тағайындалады.
2026 жылы төлем мөлшері бала санына байланысты мынадай көлемде белгіленген:
-
4 баласы бар отбасыларға – 16,03 АЕК немесе 69 330 теңге;
-
5 балаға – 20,04 АЕК немесе 86 673 теңге;
-
6 балаға – 24,05 АЕК немесе 104 017 теңге;
-
7 балаға – 28,06 АЕК немесе 121 360 теңге;
-
8 және одан да көп баласы бар отбасыларға – әр балаға 4 АЕК немесе 17 300 теңге.
Наградталған аналарға берілетін жәрдемақы «Алтын алқа» және «Күміс алқа» иегерлеріне, сондай-ақ бұрын «Батыр ана» атағын алған немесе І және ІІ дәрежелі «Ана даңқы» ордендерімен марапатталған аналарға тағайындалады. Бұл жәрдемақы ай сайын келесі мөлшерде төленеді:
-
«Күміс алқа» иегерлеріне – 6,40 АЕК немесе 27 680 теңге;
-
«Алтын алқа» иегерлеріне немесе бұрын «Батыр ана» атағын алған, І және ІІ дәрежелі «Ана даңқы» ордендерімен наградталған аналарға – 7,40 АЕК немесе 32 005 теңге.
Айта кетейік, 2026 жылғы 1 қаңтардан бастап көпбалалы отбасыларына тағайындалатын мемлекеттік жәрдемақы мөлшері 10 пайызға артты.
