Ел аумағында жылыту маусымы басталды, ал кейбір өңірлер көмірмен 65 пайыз ғана қамтамасыз етілген. Бұл туралы Энергетика министрлігі Мемлекеттік энергетикалық қадағалау және бақылау комитетінің отырысында айтылды, деп хабарлайды F16.kz.
Жиынға «Қазақстан Темір Жолы» ҰК» АҚ өкілдері, көмір өндіруші кәсіпорындар мен сыртқы сауда қызметінің мамандары қатысты.
Отырыс барысында қысқа әзірлік, оның ішінде өңірлердегі көмір дайындау жоспарының орындалуы, қажетті вагондармен қамтамасыз ету, аймақтық операторлардың қызметі туралы айтылды.
Бүгінде халық пен коммуналдық-тұрмыстық сектордың жылыту маусымына қажеттілігі — 7,4 миллион тонна көмір. Қазір өңірлердегі көмір қоры 4,8 миллион тоннаға жетті, бұл — жоспардың 65 пайызы. Энергетика министрлігі аймақтарды көмірмен қамтамасыз ету мәселесін ерекше бақылауда ұстайды, — деп жазылған хабарламада.
