Ұлттық статистика бюросының жедел деректері бойынша, 2025 жылдың сегіз айында Қазақстанның жалпы ішкі өнім өсімі 6,5%-ға жетті, деп хабарлайды F16.kz.
Ұлттық экономика министрлігінің ақпаратына сенсек, өсудің негізгі факторлары сауда, өнеркәсіп және байланыс салаларындағы оң динамикаға байланысты болған.
– Өнеркәсіп 7,6%-ға өсті. 2024 жылдың сәйкес кезеңімен салыстырғанда өсім 6,5%-ға жеткен өңдеу секторындағы өсім қарқынының жеделдеуі байқалды. Өңдеу өнеркәсібінің негізгі драйверлері: машина жасау (+15,1%), тамақ өндірісі (+10,1%), мұнай өңдеу (+7,6%), химия өнеркәсібі (+7,5%) және металлургия (+1,1%) салалары, – дерп хабарлады министрліктің баспасөз қызметі.
Белгілі болғандай, сауда негізінен көтерме сауда есебінен 8,9%-ға өсті, оның саладағы үлесі 66,6%-ға жетті. Ең жоғары өсу қарқыны Шымкент қаласында (+21,3%), сондай-ақ Шығыс Қазақстан (+5,7%) мен Жетісу (+0,6%) облыстарында тіркеліпті.
