«Қызғылт қазан» сүт безі обыры туралы хабардар болу айлығы аясында ШҚО көпсалалы онкология және хирургия орталығының онколог-маммологтары қызметкерлерге кеңес беру үшін \»Үлбі\» қалалық аумақтық халыққа әлеуметтік қызмет көрсету орталығына барды.
Мұндай іс шараларды Онкологиялық орталықтың мамандары дәстүрлі түрде өткізеді және әйелдер қауымына өз денсаулықтарына көңіл аударуға шақырады.
«Үлбі» орталығының 64 маманы маммологтардың тексеруінен өтті, кейбіреулері көрсеткіштер бойынша сүт бездерінің ультрадыбыстық зерттеуін жасады. Барлық әйелдер онкологиялық қауіпсіздік бойынша тиісті ұсыныстар мен кеңестер алды. «Үлбі» орталығының өкілдері іс-шара туралы жылы лебіздерін білдіріп, дәрігерлерге алғыс айтып, жұмыстарына табыс тіледі.
Фото: Онкологиялық орталық
