Шығыс Қазақстан облысының әкімі Нұрымбет Сақтағанов Үлкен Нарын ауылының орталық жылыту қазандығына барды. Бұл нысан тұрғын үйлерді де, әлеуметтік және әкімшілік мекемелерді де жылумен қамтамасыз етеді, деп хабарлайды F16.kz.
Сапар барысында облыс әкімі қосымша қазандық салу қажеттігін атап өтті. Бұл жылу жүйесіне жаңа нысандарды, соның ішінде денешынықтыру-сауықтыру кешенін және жеке сектордың бір бөлігін қосуға мүмкіндік береді.
Қазандықтың қуатын кеңейту маңызды мәселе. Тағы бір қазандық орнату ауылды тұрақты жылумен қамтамасыз етіп қана қоймай, жүктемені неғұрлым ұтымды бөлу есебінен оның өзіндік құнын төмендетуге мүмкіндік береді, – деп атап өтті Нұрымбет Сақтағанов.
Аудан орталығындағы жылу қазандығы 2015 жылы салынған. Оның белгіленген қуаты сағатына 10,4 Гкал, қазір квм-3.0 төрт су жылыту қазандығы жұмыс істеп тұр. Нысанға 300-ден астам жеке абонент пен 90 заңды тұлға қосылған. Жылытылатын нысандардың жалпы ауданы 38 мың шаршы метр, ал жылу желілерінің ұзындығы 8 шақырымнан асады.
