Шығыстың бас шаһарында 18 жасқа дейінгі балалар мен жасөспірімдерге қоғамдық көлікте тегін жүру мүмкіндігі қарастырылып жатыр, деп хабарлайды F16.kz.
Жаңа әлеуметтік бастама жақын арада жүзеге асырылуы мүмкін. Бұл ұсынысты қала әкімі Алмат Акышов көтерді. Қазіргі уақытта тиісті нормативтік құжат әзірленіп, келісу кезеңі өтіп жатқан көрінеді.
Мұндағы басты мақсат – өскелең ұрпақ тәрбиелеп жатқан отбасыларға қолдау көрсету және оқушылар мен студенттер үшін қолайлы жағдай жасау.
Қалалық инфрақұрылым барлық санаттағы азаматтар үшін қолайлы әрі қолжетімді болуы тиіс. Өсіп келе жатқан ұрпақты қолдау — жұмысымыздағы басым бағыттардың бірі, — деді қала әкімі Алмат Акышов.
Тегін жүру мүмкіндігі баланың жасын растайтын құжатты көрсету арқылы қолжетімді болады. Механизмнің нақты тәртібі кейін тағы нақтыланады.
Фото: Өскемен қаласы әкімінің баспасөз қызметі
