Катонқарағай ауданында ғимараттар үшін бірыңғай дизайн-код енгізіліп жатыр, деп хабарлайды F16.kz.
Жалпы ауданға Тұрақты даму қоры үлкен қолдау көрсетіп келеді. Қордың қатысуымен өңірде бірыңғай сәулеттік талаптарды қамтитын өзіндік дизайн-код әзірленді.
Енді аудандағы барлық жаңа ғимараттар мен нысандар, сондай-ақ жүргізілетін жөндеу жұмыстары осы бекітілген дизайн-кодқа сай жүзеге асырылады. Қазірдің өзінде аудан әкімдігі, прокуратура мен сот ғимараттары осы бірыңғай стильде безендірілген.
Жаңашылдықтар жеке секторды да қамтиды: сауда және қоғамдық орындардың, оның ішінде қоғамдық тамақтану нысандарының қасбеттері бірыңғай түсте және дизайнда рәсімделеді. Бұл шешім ауданның көркем әрі үйлесімді келбетін қалыптастыруға және бірегей бейнесін жасауға бағытталған.
