«Eastiler»-дің дауысы билікке де естілер

Өскеменде жастардан құрылған ұлттық-патриоттық ұйым жұмыс істеп жатыр.

Мақсаттары биік, жұмыстары қоғам үшін, ел үшін пайдалы істерге бағытталған «Eastiler» ұйымы 2023 жылдың қазан айында құрылған, деп хабарлайды F16.kz сайты.

Атауы да, мақсаты да ерекше ұйым

Ұлттық-патриоттық ұйымын қоғам белсендісі Аян Қалымбек құрды. Жұмыс істеп тұрғандарына аса көп уақыт болмаса да бірқатар жетістіктерге қол жеткізіп үлгерген.

$\"\"$ «Eastiler» атауының өзі де ерекше екен. Бірнеше мағына береді: «дауысымыз билікке, халыққа естілер», «есті жандар, ақылдылар», «шығыстықтар».

— Шығыста, Өскеменде патриот, ұлтшыл, отаншыл жандардың үлкен армиясын қалыптастыру – менің студент кезден бергі арманым еді, — дейді ұйым жетекшісі Аян Қалымбек.

$\"\"$ Қазір бұл ұйым – ресми тіркелген қоғамдық бірлестік, сондай-ақ бүкіл Шығыс Қазақстан облысындағы әр саладағы жан-жақты мықты жастардың ортасына айналған тұңғыш әрі жалғыз қазақи ұйым.

$\"\"$ Ұйымның мүшелері күнделікті өмірде қазақша стильде киініп жүреді және соны елге насихаттайды. Ана тіліміздің қолдану аясын кеңейтіп, мемлекеттік тілдің мәртебесін көтеруді, атауларды қазақшалау, қате жазуларды түзету арқылы мемлекеттік тілдің мәртебесін көтеруді мақсат етеді. Сондай-ақ қоғамдық орындарда заманауи, креативті, танымдық, мәдени іс-шаралар өткізуді де көздейді. Олардың қатарларына қосылуға ниетті жастар саны біртіндеп артып келеді.

$\"\"$ $\"\"$

Әдебиет пен киноға әуес жастар

Биыл қаңтар айынан ұйымның ішінен құрылған «Kitappen ÓskemMen» оқырман клубы жұмыс істеп келеді.

— Клуб мүшелері бір айға бір автордың шығармасы таңдап оқып, ай соңында бас қосып, талқылайды. Сондай-ақ оқылған кітап бойынша куиз түрінде тест орындайды. Жеңімпаз адам келесі айдың кітабын сыйлыққа алады және сол кітап бойынша тест құрастырады. Ай сайын әртүрлі автордың түрлі көлемдегі, яғни әңгіме, хикаят, повесть, роман секілді шығармалары таңдап алынады, — дейді Аян Қалымбек.

Одан бөлек ұйымда «Kino kor» киноклубы да бар. Онда ай сайын бір кинотуынды (деректі фильм, отандық кино, заманауи шетел фильмдері) көріп, оны да әдеби шығармалар секілді талқылайды.

Ел ертеңі интеллектуалды ұрпақ қолында

«Eastiler» ұйымының қолға алған тағы бір патриоттық маңызды шарасы — Etno Quiz зияткерлік жарысы. Оны 2023 жылдың желтоқсанынан бері тұрақты түрде өткізіп келеді.

— Қазақша куиз елімізде дәл осы Өскемен қаласында «Bizdin Oskemen» деген атпен басталған болатын. Демек қазақ куизінің түр-түрі шығуы заңды да. Etno Quiz — білімділер мен алғырлар, тапқырлар сайысы, республика көлемінде баламасы жоқ бірегей жоба, — дейді ұйымның жетекшісі.

$\"\"$ $\"\"$

Нәтижені сөзбен емес, іспен көрсетеді

Ай сайын ұйым өзінің жоспарын құрып отырады. Жолға қойған міндеттері орындалып келеді. Жастар арасында мәдениет, зияткерлікті дамытудан бөлек әлеуметтік салаға да, туризмге де бағытталған шараларды атқарады. Мысалы, вандализммен күрес, яғни вандалдар бүлдіріп кеткен көрнекті һәм көрікті орындарды қалпына келтіру, сенбіліктер өткізу, шығыстың тарихи һәм сұлу жеріне саяхаттау, ішкі туризмді дамыту.

$\"\"$ Айтпақшы, ұйымның өзінің ішінде орындалуға тиіс қағидаттары мен ережелері бар екен.

— Топтың мүшелерінің арасында, жалпы жұмысында агрессияға, негативке жол бермейді. Саясатқа, дінге араласпайды. «ҰЛТШЫЛМЫЗ» деп ешкім ешқайда жар салмайды. Сөзден гөрі іспен талай нәрсе атқарады, — дейді Аян.

$\"\"$ $\"\"$