ШҚО-да синтетикалық есірткі өндіруге жасырын мамандандырылған ірі есірткі зертханасының қызметі тоқтатылды, деп хабарлайды F16.kz.
Жедел іздестіру шаралары барысында қылмыстық бизнесті 30 жастағы жергілікті тұрғын ұйымдастырғаны анықталды. Заңсыз өндіріс Талдықорған қаласының шетіндегі жалға алынған жеке үйлердің бірінде құрылған. Химиялық реагенттерді сақтау және есірткі заттарын дайындау үшін қосымша тұрғын үй пайдаланылған.
Ол Шығыс Қазақстан облысының аумағына синтетикалық есірткіні жеткізу мен өткізуге бағытталған қылмыстық арнаның тұрақты жұмыс істеуін қамтамасыз етуге мүмкіндік берген. Санкцияланған жедел тінту жұмыстары аясында полицейлер кәсіби зертханалық жабдықтарды, дайын және жартылай фабрикатты есірткі заттарын тапты. Түрлі көлемдегі шыны және пластик ыдыстар, канистрлер, zip-пакеттер, вакуумдық қаптамалар, өзіне тән иісі бар ұнтақ тәріздес және сұйық заттар тәркіленді. Алдын ала мәліметтер бойынша, заңсыз айналымнан 8 келіден астам синтетикалық есірткі алынды, — дейді ШҚО ПД баспасөз қызметі.
Сараптама қорытындысына сәйкес, тәркіленген заттың бір бөлігі жалпы салмағы 2 келіден асатын мефедрон екені белгілі болған.
Сонымен қатар прекурсорлар, жалпы көлемі шамамен 800 литр болатын сұйықтығы бар 33 канистр, құрамында желе тәрізді кристалды заты бар 15 табақ, өзіне тән иісі бар 30 литрлік екі бөтелке сұйықтық және ұнтақ тәріздес заты бар полимерлі пакет тәркіленіп, сот сараптамасына жіберілді. Қазіргі уақытта күдікті уақытша ұстау изоляторына қамалды. Сотқа дейінгі тергеу амалдары жалғасуда.
