Ағымдағы жылдың алғашқы үш айында тыйым салынған ақпарат таратқан 3 мыңнан астам сілтеме бұғатталған, деп хабарлайды F16.kz тілшісі.
Жергілікті тәртіп сақшылары кәмілетке толмағандардың құқықтарын қорғау және заңға қайшы контентпен күресу мақсатында әлеуметтік желі мен ғаламтор беттеріндегі қадағалауды күшейткен. Соның нәтижесінде өткен жылы тыйым салынған ақпаратты таратқан 1 770 сайт анықталып, бұғатталған.
— Есірткі заттарын ұсынатын, суицидті насихаттайтын, порнографиялық сипаттағы материалдар мен заңсыз онлайн-казино орналастырылған ресурстар анықталды. Бұл бағытта жұмысты күшейтіп жатырмыз. Үстіміздегі жылдың алғашқы үш айында осындай мазмұндағы 3 000-нан астам сілтеме бұғатталды, — дейді ШҚО ПД баспасөз қызметі.
Полиция қызметкерлері азаматтарды қырағы болуға, күмәнді интернет-сайттар туралы хабарлауға шақырады.
Фото: zhaikpress.kz
