Ішкі істер министрлігі «Қарасора-2025» республикалық операциясының нәтижесін шығарды, деп хабарлайды F16.kz порталы Polisia.kz сайтына сілтеме жасап.
Биылғы маусым мен қазан айлары аралығында өтіп, еліміздегі есірткінің заңсыз айналымына қарсы бағытталған іс-шараға полиция, Ішкі істер министрлігі Ұлттық ұланының және Қорғаныc министрлігінің қызметкерлері қатысты. Жұмысқа тікұшақтар, дрондар мен басқа да техника жұмылдырылды.
Елімізде бұл бағытта жүргізілген ауқымды жұмыс нәтижесінде:
- 3,5 мың есірткі құқық бұзушылығы анықталды;
- 27 тоннадан астам есірткі тәркіленді;
- құрамында есірткісі бар өсімдіктердің 110 мыңнан астам бұталары жойылды;
- 4 ұйымдасқан қылмыстық топ, оның ішінде бір трансұлттық топ құрықталды;
- 6 есірткі зертханасы жойылды;
- есірткі жеткізудің 50 ішкі арнасы жабылды.
– «Заң мен тәртіп» қағидатын іске асыру аясында есірткі қылмысына қарсы іс-қимыл комитеті азаматтардың денсаулығын қорғау және қоғамдық қауіпсіздікті нығайту бойынша жүйелі жұмысты жалғастырады. Есірткі жолына түскен әрбір адам анық түсінуге тиіс: жазадан құтылу мүмкін емес, – деп жазады дерек көзі.
