Риддердегі жылу электр орталығының жөндеу жұмыстарына 100-ден астам маман тартылған. Қала әкімі Думан Рахметқалиев жұмыс барысымен танысып қайтты, деп хабарлайды F16.kz тілшісі.
Бүгінде онда «KAZPROFSTROY HOLDING» ЖШС-нен 85 маман, оның ішінде 10 инженерлік-техникалық қызметкер, «Перспективная технология» ЖШС-нен 21 маман жұмыс істеп жатыр. Сондай-ақ «ДимСтрой» ЖШС-нен 18 адам ақауларды жоюмен айналысып жатыр.
Түнгі ауысымда №6 қазандықтың айналмалы механизмдері жөнделіп жатыр. Барлық жұмыс үдерістері тұрақты бақылауда. Басты міндет — алдағы жылыту маусымына уақытылы және сапалы дайындықты қамтамасыз ету, — дейді қала әкімі.
Айта кетейік, соңғы екі жылда Риддер ЖЭО-ға үкімет резерві мен облыс бюджетінен 15,5 млрд теңге бөлінген.
