Биыл жыл басынан бері ШҚО-да шағын және орта бизнес субъектілерінен салық түсімдерінің көлемі 114,1 миллиард теңгеге жетті. Көрсеткіш өткен жылдың осы кезеңімен салыстырғанда 28,4%-ға жоғары.
Бұл туралы ШҚО кәсіпкерлік және индустриялық-инновациялық даму басқармасы басшысының орынбасары Ольга Григорьева Өңірлік коммуникациялар қызметі өткізген баспасөз маслихатында айтты, деп хабарлайды F16.kz сайты.
Сонымен қатар ШОБ-тың негізгі капиталына салынған инвестициялар көлемінің де өскені байқалды. Ол 326,1 миллиард теңгеге жетіп, 2023 жылғы көрсеткішпен салыстырғанда 31%-ға артқан.
ШОБ секторында өнім шығару көлемінің де өсімі байқалуда. 2024 жылдың екінші тоқсанында өндіріс көлемі 828,1 миллиард теңгені құрап, өткен жылдың сәйкес кезеңімен салыстырғанда 15,7%-ға өсті. Өнімнің нақты көлем индексі 105,6%-ға жетіп, өндіріс саласындағы нақты өсімді көрсетіп отыр.
Мұндай нәтижелер «Бизнестің жол картасы», «Қарапайым заттар экономикасы» және аймақтық «Ақ-Ниет» бағдарламалары аясындағы кешенді қолдау шараларының арқасында мүмкін болды.
Фото: Өңірлік коммуникациялар қызметі
