Глубокое ауданының тұрғыны Аяш Кабдолаева садақ атудан Корея Республикасында өткен Әлем кубогында алтыннан алқа тағынды, деп хабарлайды F16.kz.
32 елдің спортшылары қатысқан додада өз шеберлігін, ерік-жігері мен жеңіске деген сенімін көрсете білген шығысқазақстандық спортшы чемпион атанды.
Бұл жеңіс – оның күнделікті еңбегінің, табандылығының және спортқа деген шексіз сүйіспеншілігінің нәтижесі. Аяш Кабдолаеваны зор жеңісімен шын жүректен құттықтаймыз. Оған алдағы уақытта да жаңа жетістіктер, шабыт және халықаралық ареналарда жарқын жеңістер тілейміз!, – делінген Глубокое ауданы әкімдігінің хабарламасында.
