Серебрянка қаласында орналасқан 97638 әскери бөлімінде еліміздің түкпір-түкпірінен жиналған 70-тен астам жас сарбаз салтанатты түрде әскери ант берді, деп хабарлайды F16.kz.
Маңызды рәсімге әскери бөлімнің сержанттары мен офицерлері, сарбаздардың ата-аналары мен жақындары қатысты.
Баласының ел алдында әскери ант қабылдағанын көру – әр ата-ана үшін үлкен мәртебе. Ұлымыздың Отан алдында борышын өтеп, тәртіп пен жауапкершілікті меңгергеніне қуаныштымыз. Барша сарбаздарға амандық, қызметтеріне сәттілік тілеймін, – деді жас сарбаздың ата-анасы Еркегүл Нук.
Сап түзеген жас жауынгерлер Қазақстан Республикасына адал қызмет етуге, елдің тәуелсіздігі мен аумақтық тұтастығын қорғауға ант берді.
Шара барысында әскери бөлім басшылығы жас сарбаздарды маңызды сәттерімен құттықтап, ел қауіпсіздігін қамтамасыз ету жолындағы қызметтеріне сәттілік тіледі.
