Осы аптада облыс орталығында Марқакөл ауданының мәдени шаралары өтеді, деп хабарлайды F16.kz.
Соңғы жылдары «Туған жер – алтын бесігім» жобасы аясында әр ауданның мәдени күндерін өткізу қолға алынған. Осы апта бұл дәстүрлі үрдісті Марқакөл ауданы жалғастырмақ.
Қала тұрғындары мен қонақтары 21 қараша күні сағат 18:00-де Шығыс Қазақстан облыстық филармониясында (Протозанов көшесі, 43) ауданның шығармашылық ұжымдарының гала-концертін тамашалайды.
22 қараша күні сағат 08:00-ден бастап, әдеттегідей, Алтай көтерме-бөлшек сауда орталығының аумағында (Жібек жолы даңғылы, 44) ауыл шаруашылығы өнімдерінің жәрмеңкесі өтеді. Ет, сүт өнімдерін, көкөніс пен жеміс-жидекті арзан бағада алуға болады.
