Ертең облыс орталығында тағы да ауа ластанады. Бұл туралы облыстық экология департаменті мәлімдеді, деп хабарлайды F16.kz.
2 желтоқсан күні сағат 20.00-ден 3 желтоқсан сағат 20.00-ге дейін қалыптасқан қолайсыз метеорологиялық жағдайларға байланысты екінші дәрежелі ескертуі жарияланады, — делінген хабарламада.
Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.
Естеріңізге сала кетейік, Үкімет басшысы ауаның ластануы салдарынан оқушыларды қашықтан оқытуға көшіру тек қолайсыз метеорологиялық жағдайлардың (ҚМЖ) II және III дәрежесі кезінде немесе зиянды заттардың концентрациясы нормадан үш еседен жоғары болған жағдайда мүмкін екенін айтқан болатын.
