Зайсан ауданында биыл 12 мың шаршы метрге жуық тұрғын үйді қолданысқа беру жоспарланған. Қазіргі таңда құрылыс жұмыстары қызу жүріп жатыр. Бұл Зайсан ауданының әкімі Аэлита Ахметсәлімқызы айтты, деп хабарлайды F16.kz.
Бүгінде Зайсан қаласында көп қабатты 30 пәтерлі тұрғын үй пайдалануға берілген.
Ауылдық жерлерде жерлерде халықты тұрақтандыру үшін «Бір қабатты Шығыс» бағдарламасы жалғасын табуда. 2023 жылы 42 пәтер, 2024 жылы 68 пәтер салынды. Биыл 96 пәтердің құрылысы жүргізіліп жатыр. Жыл соңына дейін аяқтауды жоспарлап отырмыз. Сондай-ақ тағы екі көпқабатты үй салынып жатыр. Ол келесі жылы қолданысқа беріледі, — деді аудан әкімі.
Айта кетейік, биыл жалпы ауданы 40 мың м² болатын 539 пәтер сатып алу жоспарланған. Оның 189-ы – көпқабатты үйлерден, ал 350-і – «Бір қабатты Шығыс» жобасы аясында бой көтереді.
